if God were men

A piece of spoken word / slam poetry that describes the downs of politics in developing countries that are fueled by corruption. Read below.

If God were men - Spoken word Poem(pidgin)

If God were men

How life for dey, how we go take stay far from harm's way

When envy, greed, favouritism of the influencial and rich dey the heart of man wen suppose kind

For this life good man hard to find

If God were men

In Ruins nai all of us for dey, abandoned for inside Darkness, the 24hrs light dey promised us for their campaign na only lies and deciet. See how dem dey use our head take play for their regime

If God were men

Them for run their campaign on top the belly of the less privileged and laslas them go make their lives worse,Increase taxes and increase their rents, not talkless of light bills and debts

If God were men

Them go loot money and when wahala burst dem go jakpa go london talk say na vacation

The rich go dey more richer and the poor go poor the more

Them go sit on top luxury yet dem go still dey exploit the poor. They wan collect money from the man when dey work day and night to afford one square meal haba naw

If God were men

Dem no go call off the strike 

Dem go dey promise and fail, deir children no dey the country anyways

Na so 4 years course dor waka turn 7 years course for the poor masses when dey try won get degree

Na so them take dey increase school fees for education wen suppose to be free

If God were men

Dem say dem won build road dey come demolish people store and houses, commot food from the mouth of commoners to create road for the hierarchies

If God were men

As disease show dem go the carry human being test their vaccines, turn poor man to labrats to test their successful or death-striken cure and drug for their pharmacy

If God were men 

Na Fake grants, audio scholarships and appeal we go dey see

Dissected and filtered news nai dem go feed the masses to give them no clue of the havoc wey dem dor do

If God were men

Dem go announce contracts, collect the money yet dem go go buy substandard materials to build the city and the bridges later dem go quick destroy or fall on top people for street. What a pity!

If God were men

Them for stack up palliative for their warehouses to collect votes from the masses in election season

If God were men

Prison yard go dey like dustbin, how you expect dem to take turn new live

Rehabilitation center go dey like dunghill, how dem suppose heal?

If God were men

Dem no go care say if them provide more oxygen the man wey die yesterday for public hospital bed for still fit survive death

If God were men 

Them talk say politics na dirty game but e go shock you say dem ready to pay or play the game

Nai make the country wey dor suppose better still dey shake

Thank you for reading!

Drop comments!